“Titipunon Ko . . . Kamo”—Ipinanuga an Pagbabalik kan Dalisay na Pagsamba

Nagkabaranga an mga Israelita—rinaot kan apostasya an saindang pagkasararo. Sinasapar ninda an konsekwensiya kan saindang mga ginibo; rinamugan ninda an dalisay na pagsamba asin pinakaraot an pangaran nin Diyos. Sa ibong kaiyan, pinahiro ni Jehova si Ezekiel na maghayag nin mga propesiya na nagtatao nin paglaom. Gamit an buhay na buhay na paglaladawan asin kahanga-hangang mga bisyon, pinakusog ni Jehova an mga bihag na Israelita saka an gabos na nagmamawot na mahiling na maibalik an dalisay na pagsamba.