KAHON 16B
Pagkapurisaw Saka Pag-agrangay, Pagmarka, Pagrunot—Nuarin Asin Paano?
An bisyon na nakarekord sa Ezekiel kapitulo 9 igwa nin kautuban sa presenteng panahon. An satong pakasabot sa mga mangyayari sa maabot matabang sa sato para kusog-buot niyatong maatubang an katapusan kan sistemang ini nin mga bagay
“Pagkapurisaw saka pag-agrangay”
NUARIN: Sa huring mga aldaw, bago an dakulang kasakitan
PAANO: An mga indibidwal na tama an kamugtakan nin puso ipinapahiling paagi sa saindang sinasabi saka ginigibo na nababaldi sinda sa karatan kan kinaban na ini. An mga indibidwal na iyan positibo an reaksiyon sa paghuhulit, padagos na isinusulot an arog-Cristong personalidad, nagpapabawtismo bilang simbolo kan saindang pagdusay ki Jehova, asin maimbod na sinusuportaran an mga tugang ni Cristo
“Pagmarka”
NUARIN: Durante kan dakulang kasakitan
PAANO: An lalaking may tintero nin sekretaryo nagrerepresentar ki Jesu-Cristo pag nag-abot siya bilang Hukom kan gabos na nasyon. An mga kabilang sa dakulang kadaklan huhukuman, o mamarkahan, bilang karnero, na nagpaparisa na makakaligtas sinda sa Armagedon
“Pagrunot”
NUARIN: Sa Armagedon
PAANO: Si Jesu-Cristo asin an saiyang langitnon na hukbo, na diyan kabilang an mga anghel saka an saiyang 144,000 na kairibang tagapamahala, lubos na lalaglagon an maraot na kinaban na ini asin ililigtas an tunay na mga parasamba pasiring sa sarong matanos na bagong kinaban