KAHON 21A
“An Kontribusyon na Itatagama Nindo”
Sundan ta si Ezekiel mantang hinihiling niyang marhay an porsiyon kan daga na itinagama ni Jehova. Igwa iyan nin limang parte. Ano an mga iyan? Asin para sa anong katuyuhan an kada parte kaiyan?
A. “An Kontribusyon”
Ginagamit iyan kan administrasyon asin inaapod iyan na “an lugar kan administrasyon.”
B. “An Bilog na Kontribusyon”
Itinagama iyan para sa mga saserdote, mga Levita, asin sa siyudad. An gabos man na kabilang sa 12 tribo naglalaog sa porsiyon na ini para magsamba ki Jehova asin para suportaran an administrasyon.
C. “An Teritoryo kan Pamayo”
“An dagang iyan an magigin pagsadiri niya sa Israel.” “Para [iyan] sa pamayo.”
D. An “Banal na Kontribusyon”
Inaapod man ini na “banal na parte.” An itaas na porsiyon “para sa mga Levita.” “Banal iyan.” An tahaw na porsiyon iyo an “banal na kontribusyon para sa mga saserdote.” Diyan “itutugdok an saindang mga harong, asin magigin sarong sagradong lugar iyan para sa santuwaryo,” o templo.
E. “An Natatadang Parte”
“Magigin pagsadiri iyan kan bilog na banwaan nin Israel” asin “gagamiton kan siyudad para magin tugdukan nin mga harong asin mga pasabsaban.”