LEKSIYON 12

Pagtaram na May Kabuutan Asin Pagmalasakit

1 Tesalonica 2:7, 8

SUMARYO: Magtaram na may sinseridad, asin ipamati sa mga nagdadangog na nagmamalasakit ka.

Isipon an mga magdadangog. Andamon an saimong puso, na iniisip an mga problemang inaagihan ninda. Hinguwahon na ibugtak an sadiri sa sitwasyon ninda.
Pilion na marhay an sasabihon. Hinguwahon na makarepresko, makaranga, asin makapakusog sa mga nagdadangog. Likayan an mga tataramon na puwedeng makakulog, asin dai magtaram nin mapangmenos dapit sa mga bakong kapagtubod o sa pinapangaptan nindang mga paniniwala.
Ipahiling na interesado ka. Paagi sa mabuot na tono nin boses asin angay na mga mustra, ipahiling sa mga nagdadangog na talagang nagmamalasakit ka sa sainda. Magin mapagrisa sa ekspresyon kan saimong lalawgon; parating magngirit.

An saimong emosyon dapat na bakong pirit asin dai dapat pakasobrahan. Pag nagbabasa, ibagay an emosyon sa binabasa, pero dai magin sobra na yaon na lugod saimo an atensiyon. Hinguwahon na magtaram sa mabuot asin mamumuton na paagi.