Kun Paano an Iba Nagdodonar sa Gibohon na Paghuhulit kan Kahadean
◻ MGA KONTRIBUSYON SA PAMBILOG NA KINABAN NA GIBOHON: An dakol nagtatagama o nagbabadyet nin kantidad na ibinubugtak ninda sa mga kahon nin kontribusyon na may nakasurat na: “Mga Kontribusyon Para sa Pambilog na Kinaban na Gibohon kan Sosyedad—Mateo 24:14.” Kada bulan ipinapadara kan mga kongregasyon an kantidad na ini magsalang sa pankinaban na opisina prinsipal sa Brooklyn, Nueva, York, o sa pinakaharaning sangang opisina.
◻ MGA REGALO: An boluntad na mga donasyon na kuwarta puwedeng direktang ipadara sa Watch Tower Bible and Tract Society of the Philippines, Inc., P.O. Box 2044, 1099 Manila, o sa opisina kan Sosyedad na naglilingkod sa saindong nasyon. An mga alahas asin iba pang mahalagang bagay puwede man na idonar. Sarong halipot na surat na nagsasabing iyan sarong direktang regalo an maninigong iiba sa mga kontribusyon na ini.
◻ AREGLO SA KONDISYONAL NA DONASYON: An kuwarta puwedeng itao sa Watch Tower Society tanganing ipagkatiwala iyan sagkod na magadan an nagdonar, na may kondisyon na kun magkaigwa nin personal na pangangaipo, iyan ibabalik sa nagdonar.
◻ SEGURO: An Watch Tower Society puwedeng gibohon na benepisyaryo nin polisa sa seguro sa buhay o nin plano sa pagretiro/pension. An Sosyedad maninigong paisihon kan ano man na siring na areglo.
◻ MGA DEPOSITO SA BANGKO: An mga deposito sa bangko, sertipiko nin deposito, o indibiduwal na deposito sa pagretiro puwedeng ipagkatiwala sa o bayadan sa Watch Tower Society pagkagadan kan nagdeposito, kaoyon sa lokal na mga kahagadan sa bangko. An Sosyedad maninigong paisihon kan ano man na siring na mga areglo.
◻ MGA AKSION ASIN BONO: An mga aksion asin bono puwedeng idonar sa Watch Tower Society magsalang bilang direktang regalo o sa irarom nin sarong areglo na paagi kaiyan an ganansia padagos na ibabayad sa nagdonar.
◻ DAGA ASIN HARONG: An ikakapabakal na daga asin harong puwedeng idonar sa Watch Tower Society magsalang paagi sa paggibo nin direktang regalo o paagi sa pagreserba nin sarong maiistaran kan nagdonar, na puwedeng magpadagos na mag-istar dian sagkod na sia nabubuhay. Maninigong paaramon nin saro an Sosyedad bago ibalyo sa ngaran kan Sosyedad an ano man na daga asin harong.
◻ MGA TESTAMENTO ASIN IPINAGKATIWALA: An pagsadiri o kuwarta puwedeng ipamana sa Watch Tower Bible and Tract Society of Pennsylvania paagi sa sarong testamento na iinareglar sa legal na paagi, o an Sosyedad puwedeng gibohon na benepisyaryo nin sarong kasundoan sa ipinagkatiwala. An sarong ipinagkatiwala na napapakinabangan nin sarong relihiyosong organisasyon puwedeng magtao nin nagkapirang bentaha sa pagbuhis. Sarong kopya kan testamento o kasundoan sa ipinagkatiwala an maninigong ipadara sa Sosyedad.
◻ PLINANONG PAGTAO: An Sosyedad nagtipon nin impormasyon manongod sa “Plinanong Pagtao.” An mga nagpaplanong gumibo nin sarong espesyal na regalo sa Sosyedad ngonyan o magpamana pagkagadan manonompongan na nakatatabang an impormasyon na ini. Iyan nangorognang totoo kun gusto nindang maotob an sarong pampamilyang pasohan o pagplano manongod sa mga pagsadiri asin babayadan nin saro pagkagadan mantang ginagamit an mga benepisyo sa buhis tanganing mainaan an kantidad kan babayadan na buhis sa regalo o pamana. An impormasyon na ini puwedeng makua paagi sa pagsurat sa Sosyedad sa adres na ipinaheheling sa ibaba.
Para sa dugang pang impormasyon manongod sa siring na mga bagay, sumurat sa Treasurer’s Office, Watch Tower, P.O. Box 2044, 1099 Manila, o sa pinakaharaning opisina kan Sosyedad na naglilingkod sa saindong nasyon.