Para sa mga Hoben

Kaanggotan nin Sarong Tugang

Mga Instruksion: Gibohon ini sa toninong na lugar. Mantang binabasa mo an mga teksto, imahinaron na kaiba ka sa pangyayaring iyan. Iladawan sa isip an eksena. Imahinaron na nadadangog mo an mga boses. Imahinaron na naeeksperyensiahan mo an mga emosyon kan pangenot na mga personahe. Gibohon na buhay an pagkasaysay.

ANALISARON AN EKSENA.​—BASAHON AN GENESIS 4:1-12.

Ginagamit an saimong imahinasyon, paano mo ilaladawan an pisikal na itsura asin ugale ni Cain? Paano mo man ilaladawan si Abel?

․․․․․

Arin na “mga gibo kan laman” an risang-risa ki Cain, asin paano niato ini naaaraman? (Galacia 5:19-21)

․․․․․

ANALISARON NIN MAS HARAROM.​—BASAHON GIRARAY AN BERSIKULO 4-7.

An mga dolot sana daw an inako o isinikwal ni Jehova, o orog pa dian an kalabot? (Talinhaga 21:2)

․․․․․

Sa anong mga kamugtakan tibaad rasonable na maanggot, alagad taano ta biyong sala na ‘maanggot na marhay’ si Cain?

․․․․․

Noarin tibaad angay an pag-imon, alagad taano ta iyan bakong angay sa kamugtakan ni Cain? (1 Hade 19:10)

․․․․․

Ano kutanang mga lakdang an ginibo ni Cain tanganing ‘madaog’ nia an saiyang kaanggotan?

․․․․․

IAPLIKAR AN SAIMONG NANODAN. ISURAT AN SAIMONG NANODAN MANONGOD SA . . .

Kaanggotan.

․․․․․

Pag-imon.

․․․․․

Kun paano ‘madadaog’ an salang mga tendensia.

․․․․․

ANONG BAGAY MANONGOD SA PAGKASAYSAY NA INI AN PINAKAMAKAHULOGAN PARA SA SAIMO, ASIN TAANO?

․․․․․