Ano an Sinasabi kan Bibliya?

Igwa daw nin pangaran an Diyos?

AN SABI KAN IBA mayo siyang pangaran, sabi man kan iba, Diyos o Kagurangnan, asin may mga nagsasabi man na kadakul siyang pangaran. Ano an masasabi mo?

AN SABI KAN BIBLIYA

‘An saimong ngaran iyo si Jehova; ika sana an [Kahuruhalangkawi] sa ibabaw nin daga.’—Salmo 83:18.

ANO PA AN MANUNUDAN TA SA BIBLIYA?

• Dakul na titulo an Diyos, pero saro sana an sinabi niyang pangaran niya.—Exodo 3:15.

• An Diyos bakong misteryo; gusto niyang mamidbid ta siya.—Guibo 17:27.

• An pakaaram sa pangaran nin Diyos an inot na paagi para magin harani kita sa saiya.—Santiago 4:8.

Sala daw na itaram an pangaran nin Diyos?

ANO AN ISISIMBAG MO?

• Iyo

• Dai

• Depende

AN SABI KAN BIBLIYA

‘Dai mo paggamiton an ngaran ni Jehova na saimong Diyos sa basang lamang.’ (Exodo 20:7) An sala sana iyo na kun gagamiton an pangaran nin Diyos sa daing galang na paagi.—Jeremias 29:9.

ANO PA AN MANUNUDAN TA SA BIBLIYA?

• Aram asin ginamit ni Jesus an pangaran nin Diyos.—Juan 17:25, 26.

• Sinasabihan kita nin Diyos na apudon ta siya sa pangaran niya.—Salmo 105:1.

• Naggigibo nin paagi an mga kaiwal nin Diyos para malingawan kan mga tawo an pangaran niya.—Jeremias 23:27.