Kalendaryo sa 1989

¹ Sa laog nin anom na taon nagkaigwa kita nin mga kalendaryo na may de kolor na mga eksena kan satong mga tugang na naghuhulit sa laen-laen na nasyon. Pero para sa 1989 magkakaigwa kita nin bagong klaseng kalendaryo na maheheling nindong kapakipakinabang.

2 An kalendaryo sa 1989 magkakaigwa nin magagayon na de kolor na retrato nin mga lugar sa Dagang Panuga. Sa ibaba kan kada sarong dakulang retrato may mga komento sa kun ano an naheheling niato sa retrato. Magkakaigwa man nin mga detalye manongod sa mga pangyayari sa Biblia sa lugar na iyan o mga komento na nagpapaliwanag kun taano an lugar ta mahalaga para sa sato bilang mga estudyante sa Biblia.

3 An kalendaryo magpapadagos na magkaigwa kan iskedyul sa pagbasa sa Biblia arog kan dati. Pero may maiisip kamong ibang gamit huli sa klarong mga retrato kan Dagang Panuga. Halimbawa, an Enero/Pebrero nagpapaheling nin retrato nin Megido na kinua hale sa eroplano, na magagamit nindo sa pag-adal sa Biblia sa pagpaliwanag kan kahulogan nin Armagedon. Magagamit man nin mga magurang an mga retrato kun ipinakikipag-olay sa saindang mga aki an mga estorya sa Biblia.

⁴ An mga retrato asin komento nunumerohan tangani na iyan madaling mamidbid kun may pinag-oolayan na tala sa Biblia sa sarong kabtang sa pagtiripon sa paglilingkod. An iba tibaad gustong kumua nin ekstrang kalendaryo asin ikuwadro an mga retrato. Tabi konsideraron ini kun nagpepedido.