Teokratikong mga Bareta

◆ An Ecuador nagkaigwa nin bagong peak na 13,576 na parahayag kan Nobyembre, 10-porsientong pag-oswag kisa iyo man sanang bulan kan sarong taon. An mga pag-adal sa Biblia luminangkaw nin 13 porsiento, na may 26,463 na ginibo.

◆ Naabot kan Pransia an bagong peak na 105,307 parahayag kan Nobyembre. An mga parahayag sa kongregasyon nagpromedyo nin 12.3 na oras kan bulan na idto.

◆ An French Guiana, na may peak na 531 parahayag, may 1,230 nag-atender sa saindang serye nin mga espesyal na aldaw nin asamblea, asin 18 an nabautismohan.

◆ Ipinag-ogma kan Guam an kaharohalangkaweng peak na 323 na parahayag para sa Nobyembre. An bago pa sana nindang programa sa pansirkitong asamblea nagkaigwa nin peak na nag-atender na 518 na may 9 na nabautismohan.

◆ An Madagascar nagkaigwa nin bagong peak na 3,069 parahayag kan Oktubre para sa 10-porsientong pag-oswag.