Teokratikong mga Bareta

Republika kan Aprika Sentral: Ekselente an paglilingkod durante kan Oktubre, na igwang sarong bagong peak na 1,846 na parahayag. Ginibo an espesyal na mga aldaw nin asamblea sa 19 lokasyon na may total na 5,577 nag-atender asin 32 na nabautismohan.

Mejico: Kan Nobyembre, 411,292 na parahayag an nagreport. Ini saro pang bagong peak.

Sri Lanka: Igwa nin 1,873 na parahayag na nagreport kan Nobyembre, sarong marahay na pag-oswag na 9 porsiento.

Taiwan: Apuwera sa peak na 2,523 na parahayag, an report kan Nobyembre nagpaheling nin sarong bagong peak na 44,514 pagdalaw liwat asin 4,234 pag-adal sa Biblia.

Virgin Islands (E.U.): Sarong bagong peak na 647 parahayag na may total na 778 pag-adal sa Biblia an nagtao nin dakulang kagayagayahan kan Nobyembre.