An Video na The Bible—Accurate History, Reliable Prophecy

Ano an nagpapatunay na an Biblia eksakto kun dapit sa kasaysayan? Anong naotob na mga hula sa Biblia an nagtatao sa sato nin kompiansa na an mga hula dapit sa ngapit maootob man? Sinisimbag an mga hapot na ini sa video na The Bible—Accurate History, Reliable Prophecy, an ikatolong video na yaon sa DVD na The Bible—A Book of Fact and Prophecy. Pakadalan kan video na ini, masisimbag daw nindo an minasunod?

(1) Siisay an Gikanan kan masasarigan na impormasyon sa Biblia? (Dan. 2:28) (2) Paano eksaktong ilinaladawan kan Biblia an suanoy na Egipto, asin paano naotob an hula na nakarekord sa Isaias 19:3, 4? (3) Paano pinatunayan nin arkeolohiya an paglaladawan kan Biblia manongod sa mga taga Asiria, sa saindang mga hade, asin sa katapusan kan Asiria? (Nah. 3:1, 7, 13) (4) Anong mga hula may koneksion sa Babilonya an napatunayan na masasarigan? (Jer. 20:4; 50:38; 51:30) (5) Anong hula dapit sa Medo-Persia an naotob? (Isa. 44:28) (6) Paano naotob an Daniel 7:6 asin 8:5, 8 dapit sa Grecia? (7) Paano naotob an Daniel 7:7 kan an Roma magin pambilog na kinaban na kapangyarihan? (8) Sairisay na Cesar an nasasambitan sa Biblia? (9) Ano an nangyari sa mga Kristiano sa pamamahala ni Nero? (10) Paano naotob an mga hula sa Kapahayagan 13:11 asin 17:10? (11) Ano an midbidan kan ikawalong hade? (12) Anong mga eksena sa video an nagpapatunay na totoo an Eclesiastes 8:9? (13) Anong mga hula dapit sa ngapit an gustong-gusto na nindong maotob? (14) Paano nindo magagamit an video na ini tanganing matabangan an iba na makombensir na gikan sa Dios an Biblia?