Sampol na mga Presentasyon

Sa Pagpoon nin mga pag-adal sa Biblia sa enot na Sabado nin Disyembre

“Segurado ako na maoyon kamo na an gabos nangangaipo nin mga amigo o amiga. Anong kualidad an pinakapinapahalagahan nindo sa sarong amigo o amiga? [Pasimbagon.] Mangnohon an sinasabi kaini dapit sa kun taano ta maninigong magin maingat kita sa pagpili nin mga amigo o amiga.” Tawan an kagharong nin kopya kan The Watchtower na Disyembre 1, asin basahon saka ipakipag-olay an enot na subtema sa pahina 16. Basahon an kisiera saro sa mga teksto. Ialok an mga magasin, asin iareglo na magbalik tanganing pag-olayan an simbag sa sunod na hapot.

The Watchtower Disyembre 1

“Napag-isip-isip na daw nindo kun taano ta nagkaigwa nin dakolon na natural na kalamidad kaining dai pa sana nahahaloy? [Pasimbagon.] Interesante nanggad, ihinula kan Biblia an sarong panahon na magkakaigwa nin dakol na kalamidad bilang tanda kaiyan. [Basahon an Mateo 24:​7, 8.] Sinisimbag kan magasin na ini an mga hapot na ini: Taano ta dakolon na natural na kalamidad ngonyan? Padusa daw iyan nin Dios? Ano an mga dahelan niato na maniwala na dai na mahahaloy tataposon nin Dios an gabos na natural na kalamidad?”

Awake! Disyembre

Basahon an 2 Timoteo 3:16. Dangan magsabi: “May mga minaoyon na an Biblia ipinasabong nin Dios, mantang an iba dai minaoyon. Ano sa heling nindo? [Pasimbagon.] Minsan ngani manlaenlaen an opinyon nin mga tawo sa hapot na iyan, minaoyon an kadaklan na mayo nin ibang libro na nagin punteriya nin kadakol na paghihingoa tanganing paraon iyan. Ilinaladawan kan magasin na ini an nagkapira sa nagin mga paghihingoa tanganing mawara an Biblia asin ipagbawal an pagbasa kaiyan sa nag-aging mga siglo. Ipinapaliwanag man kaiyan kun taano ta nagdanay iyan.”