Sampol na mga Presentasyon

Tanganing makapoon nin mga pag-adal sa Biblia sa enot na Sabado nin Mayo

“Sa hiling nindo an relihion daw nakakakontribwir sa pagkamoot asin katoninongan o sa pagkaongis asin kadahasan? [Pasimbagon.] May ipapaheling ako saindo na sarong interesanteng punto dapit sa temang iyan.” Iabot sa kagharong an Watchtower na Mayo 1, asin pag-olayan an enot na subtema sa pahina 16 asin an kisiera saro sa mga teksto. Ialok an mga magasin, asin iareglo na magbalik tanganing pag-olayan an sunod na hapot.

The Watchtower Mayo 1

“Dakol an naniniwala na marahay para sa relihion na maimbuelto sa politika, mantang para sa iba an relihion asin politika dai dapat pagsalakon. Ano sa paghona nindo? [Pasimbagon.] Mangnoha an nagin reaksion ni Jesus kan gusto kan mga tawo na maimbuelto sia sa politika kan panahon nia. [Basahon an Juan 6:15.] Ipinapaliwanag kan magasin na ini kun taano ta siring kaiyan an nagin reaksion ni Jesus asin tinotokar kaini an pinakamarahay na paagi na makakatabang an mga Kristiano sa saindang komunidad.”

Awake! Mayo

“Haros gabos na tawong nakaolay mi nakaeksperyensia na nin bakong makatanosan na pagtrato. Sa paghona daw nindo may solusyon pa an inhustisya? [Pasimbagon.] Mangnoha an hulang ini manongod sa sarong tagapamahala na matapos sa inhustisya. [Basahon an Salmo 72:​11-14.] Ipinapaliwanag kan magasin na ini an mga panuga kan Biblia para sa maabot na panahon na mayo nang inhustisya.”