Sampol na mga Presentasyon

Sain ta Makukua an Simbag sa Importanteng mga Hapot sa Buhay?

Iabot an tract sa kagharong para mahiling niya an tema dangan sabihon: “Idinidistribwir mi sa bilog na kinaban an mahalagang mensaheng ini. Ini an kopya nindo.”

Kun mawalat ka nin tract sa harong na daing tawo, ilaag iyan sa lugar na dai nahihiling nin iba asin dai tiklupon kun dai man kaipuhan.

Kun interesado an kagharong asin gustong makipag-ulay, puwede mong kuanon an saiyang opinyon sa hapot na nasa inutan na may tulong puwedeng pagpilian na simbag. Buksan an tract asin ipahiling sa saiya an sinasabi kan Salmo 119:144, 160. Ipaliwanag na may mahihiling na impormasyon sa tract manungod sa Web Site na makakatabang sa saiya na maaraman an nakakakontentong mga simbag hali sa Bibliya. Tibaad puwede mong pahilingan siya nin sampol, arog kan pagpadalan kan videong Ta’no ta Kaipuhan Mag-adal nin Bibliya? Bago maghali, itukdo an tulong hapot sa likod kan tract asin haputon kun arin duman an gusto niyang masimbag. Sabihon na mabalik ka para ipahiling sa saiya kun paano maaaraman an simbag kan Bibliya sa hapot na iyan gamit an jw.org/bcl. Pagbalik mo, pag-ulayan an simbag paagi sa pagbukas sa PUBLIKASYON > LIBRO ASIN BROSYUR.

The Watchtower Agosto 1

Kun posible, pag Sabado asin Domingo, sabihon ini para ialok an magasin na The Watchtower: “Gusto ming tawan ka man kan bago ming magasin. Sinisimbag sa isyung ini kan The Watchtower an hapot na, Nagmamakulog daw an Diyos sa saimo?”

Awake! Agosto

Kun posible, pag Sabado asin Domingo, sabihon ini para ialok an magasin na Awake!: “Gusto ming tawan ka man kan bago ming magasin. Sinisimbag sa isyung ini kan Awake! an hapot na, Paano kita makikipagkatuninungan?”