Bagong Pantabang sa Pagpuon nin Pag-uulay

Puon Marso 2016,a itinampok sa likod kan pampublikong edisyon kan Torrengbantayan an artikulong “Ano an Sinasabi kan Bibliya?” Dinisenyo ini tanganing tabangan kitang makapuon nin pag-uulay dapit sa Bibliya. An format kaini pareho kan sa mga tract. May hapot iyan na naghahagad nin opinyon, na sinusundan kan simbag kan Bibliya, asin dagdag na mga punto na puwedeng pag-ulayan.

An magayon na pag-uulay dapit sa Bibliya parating minaresulta sa pag-adal sa Bibliya. Gamiton an bagong pantabang na ini tanganing dakul pa an matabangan na mapaniguan an pagkapaha ninda sa espirituwal.—Mat 5:6.

[Nota sa Ibaba]

KUN PAANO GAGAMITON:

1. Haputon an kagharong kun ano an opinyon niya sa saro sa mga hapot

2. Magdangog sa simbag asin pasalamatan iyan

3. Basahon an teksto sa irarom kan “An Sabi kan Bibliya,” dangan haputon kun ano an masasabi niya diyan. Kun may oras pa siya, ipadagos an pakikipag-ulay gamit an sarong punto sa “Ano Pa an Manunudan Ta sa Bibliya?””

4. Ialok an magasin

5. Iareglo an pagbalik para pag-ulayan an saro pang hapot