Sampol na mga Presentasyon

AN TORRENGBANTAYAN

Hapot: Bako daw na mauyon kamo na kun an Bibliya hali sa Diyos, dai iyan mapapara ano man an gibuhon na paagi para rauton iyan?

Teksto: Isa 40:8

Alok: Ipinapaliwanag kan mga artikulo digdi an makangangalas na istorya kun paano naingatan an Bibliya.

AN TORRENGBANTAYAN (ultimong pahina)

Hapot: Gusto kong aramon an opinyon nindo sa hapot na ini. [Basahon an inot na hapot sa pahina 16.] May mga naniniwala na an relihiyon gibo sana nin mga tawo. Para man sa iba, ginagamit nin Diyos an relihiyon para maparani kita sa saiya. Ano sa hiling nindo?

Teksto: Sant 1:27

Alok: Urog pang ipinapaliwanag sa artikulong ini an sinasabi kan Bibliya manungod sa relihiyon. Sa pagbalik ko, puwede tang pag-ulayan an nagkapirang punto diyan.

MAOGMANG BARETA HALE SA DIOS!

Hapot: Pag nakakabasa an mga tawo nin hula sa Bibliya, pagmati ninda garo nagbabasa sinda nin diyaryo. Arin sa mga hula digdi an nahihiling mo na o nadadangog?

Teksto: 2Ti 3:1-5

Alok: Sa brosyur na ini, manunudan mo na an siring na mga kamugtakan maugmang bareta palan para sa mga namumuot sa Diyos. [Itampok an leksiyon 1, hapot 2.]

GUMIBO NIN SADIRING PRESENTASYON

Gamiton an sampol na mga presentasyon sa inutan para makagibo nin sadiri mong presentasyon sa paglilingkod sa langtad.