Magin Parasunod Taka​—Ano an Kaipuhan?

9:62

Tanganing magin diretso an inaarado, dai dapat magparahiling an paraarado sa mga bagay sa likudan niya. Kaagid kaiyan, dai dapat tugutan nin sarong Kristiyano an saiyang sadiri na malingling kan mga bagay na binayaan na niya sa kinaban.—Flp 3:13.

Pag may mga kadipisilan, madali ta sanang maisip an ‘marahay na buhay ta kaidto,’ tibaad kan panahon bago ta manudan an katotoohan. Pag naiisip ta iyan, sa parati pagmati ta mas maugma kita kaidto saka bakong gayong magabat an mga problema. Iyan an ginibo kan mga Israelita pagkatapos nindang bayaan an Ehipto. (Bi 11:5, 6) Kun pagpaparaisipon ta man an arog kaiyan na mga bagay, puwede kitang matentaran na bumalik sa dati tang paagi nin pamumuhay. Mas marahay nanggad na isipon an mga bendisyon na inaako ta ngunyan asin magpokus sa kagayagayahan na makakamtan ta sa pamamahala kan Kahadian!—2Co 4:16-18.