An Pagkamuot an Midbidan kan Tunay na mga Kristiyano—Mag-ugma sa Katotoohan

KUN TAANO TA MAHALAGA: Bilang pag-arog ki Jesus, dapat kitang magpatotoo sa katotoohan manungod sa mga katuyuhan nin Diyos. (Ju 18:37) Dapat man kitang mag-ugma sa katotoohan, magtaram nin mga bagay na totoo, asin isip-isipon an ano man na bagay na totoo, dawa ngani nabubuhay kita sa kinaban na pano nin kaputikan asin karatan.—1Co 13:6; Flp 4:8.

KUN PAANO GIGIBUHON:

• Magin determinado na dai magdangog o magpalakop nin nakakaraot na tsismis.—1Te 4:11

• Dai ikaugma an maraot na nangyari sa iba

• Ikaugma an positibo asin nakakapakusog na mga bagay

HILINGON AN VIDEO NA ‘MAGKAMINURUOT-MUUTAN KAMO’—MAG-UGMA, BAKO SA KABIKUAN, KUNDI SA KATOTOOHAN, DANGAN SIMBAGON AN MINASUNOD NA HAPOT:

• Paano ta masasabi na si Debbie ‘nauugma sa karatan’?

• Paano dinara ni Alice sa positibong direksiyon an pag-uulay ninda ni Debbie?

• Anong nagkapirang marahay na bagay an puwede tang pag-ulayan?