Ano Daw an Iisipon ni Jehova?

Bago maggibo nin dakula o sadit na mga desisyon, hinahapot ta daw an satong sadiri, ‘Ano daw an iisipon ni Jehova?’ Dawa dai ta maaaraman an gabos manungod sa kaisipan ni Jehova, igo man an ihinahayag niya sa saiyang Tataramon tanganing masangkapan kita sa “gabos na marahay na gibo.” (2Ti 3:16, 17; Ro 11:33, 34) Malinaw na naaraman ni Jesus an kabutan ni Jehova asin ginibo niya iyan na panginot sa buhay niya. (Ju 4:34) Bilang pag-arog ki Jesus, lugod na gibuhon ta an satong pinakamakakaya na gumibo nin mga desisyon na nagpapaugma ki Jehova.—Ju 8:28, 29; Efe 5:15-17.

HILINGON AN VIDEO NA PADAGOS NA ARAMON AN KABUTAN NI JEHOVA (LE 19:18), DANGAN SIMBAGON AN MINASUNOD NA MGA HAPOT:

• Taano ta dapat tang iaplikar sa satong buhay an mga prinsipyo sa Bibliya?

• Anong mga prinsipyo sa Bibliya an magseserbing giya sa satong pagpili nin musika?

• Anong mga prinsipyo sa Bibliya an magseserbing giya sa satong pagpili nin bado asin pagpakarhay sa sadiri?

• Sa ano pang mga aspekto kan satong buhay dapat tang iaplikar an mga prinsipyo sa Bibliya?

• Paano ta mapapauswag an satong kakayahan na maaraman an kabutan ni Jehova?