Namumutan ni Jehova an mga Tawong Malinig

“Maghanaw ka na nin kamot. Linigan mo an kuwarto mo. Magsamod ka. Iapon mo na an basura.” Tinutukduan nin dakul na magurang an saindang mga aki kun paano pirming magin malinig sa pisikal. Minsan siring, an mga prinsipyo sa kalinigan na itinutukdo ninda hali talaga sa satong banal na Diyos. (Ex 30:18-20; De 23:14; 2Co 7:1) Pag pinagdadanay tang malinig an satong hawak asin mga gamit, natatawan ta nin onra si Jehova. (1Pe 1:14-16) Kumusta an satong harong saka an satong palibot? Kabaliktaran kan mga tawong nag-aapon nin basura sa mga tinampo asin mga parke, hinihinguwa kan mga Kristiyano na papagdanayon na malinig an planetang Daga. (Sal 115:16; Kap 11:18) An satong pagmansay mapadapit sa kalinigan mahihiling dawa sa sadit na mga bagay. Halimbawa, kun sain ta inaapon an patos nin dulse, lata nin softdrinks, o bubble gum. Sa gabos na aspekto kan satong buhay, gusto niyatong ‘magtao nin marahay na halimbawa bilang mga ministro nin Diyos.’—2Co 6:3, 4.

HILINGON AN VIDEO NA NAMUMUTAN NIN DIYOS AN MGA TAWONG MALINIG, DANGAN SIMBAGON AN MINASUNOD NA MGA HAPOT:

• Ano an tibaad idinadahilan kan nagkapira kaya dai sinda naglilinig kan saindang gamit?

• Paano mahihiling sa Katugunan ni Moises an pagmansay ni Jehova mapadapit sa kalinigan?

• Paano kita makakapagtao nin silensiyong patotoo para ki Jehova?