Kun Paano Gagamiton an Sampol na Pakikipag-ulay

Puon kan Enero 2018, an sampol na pakikipag-ulay mahihiling sa cover kan An Satong Kristiyanong Pamumuhay Asin Ministeryo—Workbook Para sa Pagtiripon. Paano niyato puwedeng gamiton an mga iyan?

Pag May Kabtang Kita Bilang Estudyante: Dapat na gamiton mo an hapot, teksto, asin an hapot sa masunod na yaon sa sampol na pakikipag-ulay. Pero dai buot sabihon na aarugon mo na nin eksakto an mga tataramon na ginamit sa video sa sampol na pakikipag-ulay. Puwede kang gumamit nin ibang eksena, introduksiyon, pagpapaliwanag, asin iba pa. Puwede ka man mag-alok nin publikasyon sa satong Toolbox sa Pagtutukdo dawa mayo man iyan sa instruksiyon.

Pag Nasa Ministeryo: An sampol na pakikipag-ulay dinisenyo para magtao nin mga ideya na makakatabang sa pakikipag-ulay. Kun an kagharong magpahiling nin interes asin gustong makaaram nin urog pa, puwede mong idagos an pakikipag-ulay gamit an mga suhestiyon sa sampol na pagdalaw liwat. Puwede mong baguhon an sampol na pakikipag-ulay o gumamit nin ibang paagi. Puwede daw na an tema kan nakaaging bulan o kaya ibang teksto an mas interesante sa mga tawo sa saindong teritoryo? An mga tawo daw sa saindong lugar mas interesado sa mga nangyayari sa presente o sa sarong bareta sa saindong lugar? Puwede mong gamiton an sampol na pakikipag-ulay sa manlain-lain na paagi. Pero, an dapat na magin pasuhan mo iyo na ‘gibuhon an gabos na bagay para sa maugmang bareta, tanganing maipaabot iyan sa iba.’—1Co 9:22, 23.