Tumindog nin Marigon Mantang Papaabot an Katapusan

KUN TAANO TA MAHALAGA: Madali nang mabalo kan pambihirang mga pangyayari an satong kusog nin buot asin pagtitiwala ki Jehova nin urog kasuarin man. Mapuon an grabeng kasakitan pag linaglag an palsong relihiyon. (Mat 24:21; Kap 17:16, 17) Sa maribok na panahon na iyan, posibleng marhay na ipapaabot ta an sarong mapuwersang mensahe nin paghukom. (Kap 16:21) Aatakihon kita kan Gog nin Magog. (Eze 38:10-12, 14-16) Para protektaran ni Jehova an saiyang mga lingkod, pupunan niya an “ralaban kan dakulang aldaw kan Diyos na Makakamhan sa Gabos.” (Kap 16:14, 16) Para kumusog an satong buot na atubangon an mga pangyayaring iyan, kaipuhan tang magin marigon na ngunyan sa mga pagbalo sa satong pagtubod.

KUN PAANO GIGIBUHON:

• Kusog-buot na suportaran asin sunudon an halangkaw na mga pamantayan ni Jehova sa moral.—Isa 5:20

• Padagos na sumamba kaiba kan satong mga kapwa Kristiyano.—Heb 10:24, 25

• Magin andam na sumunod sa mga paggiya kan organisasyon ni Jehova.—Heb 13:17

• Hurop-hurupon kun paano ilinigtas kaidto ni Jehova an saiyang banwaan.—2Pe 2:9

• Mamibi ki Jehova, asin magtiwala sa saiya.—Sal 112:7, 8

HILINGON AN VIDEO DRAMATIZATION NA MGA MANGYAYARI SA MAABOT NA KAIPUHAN ATUBANGON NIN MAY KUSOG NIN BUOT—EXCERPT, DANGAN SIMBAGON AN MINASUNOD NA MGA HAPOT:

• 

  Paano nabalo an pagigin masinunod kan mga parahayag kan an kongregasyon ninda mabanga asin ilipat sa magkalain na kongregasyon?

• 

  Paano magkakonektar an kusog nin buot asin an pagigin masinunod?

• 

  Taano ta kaipuhan an kusog nin buot sa maabot na Armagedon?

• 

  Anong istorya sa Bibliya an makakatabang sa sato na mapakusog an satong pagtubod na kaya kitang iligtas ni Jehova?—2Cr 20:1-24