Mga Hoben—Si Jehova Daw an Best Friend Mo?

Anong mga kuwalidad an hinahanap mo sa sarong amigo? Tibaad gusto mo an saro na maimbod, mabuot, saka bukas-palad. Igwa si Jehova kan gabos na iyan. (Ex 34:6; Gi 14:17) Dinadangog ka niya pag namimibi ka saiya. Tinatabangan ka niya pag kaipuhan mo nin tabang. (Sal 18:19, 35) Pinapatawad niya an mga kasalan mo. (1Ju 1:9) Magayunon nanggad na Amigo si Jehova!

Paano ka magigin amigo ni Jehova? Mabibisto mo siya pag binabasa mo an saiyang Tataramon. Puwede mo siyang kaulayon. (Sal 62:8; 142:2) Ipahiling na pinapahalagahan mo an mga bagay na mahalaga ki Jehova, arog kan saiyang Aki, saiyang Kahadian, asin saiyang mga panuga sa maabot. Sabihon sa iba an manungod saiya. (De 32:3) Kun magkakaigwa ka nin haraning relasyon ki Jehova, magigin Amigo mo siya sagkod lamang.—Sal 73:25, 26, 28.

HILINGON AN VIDEO NA MGA HOBEN​—“NAMITAN NINDO ASIN HILINGON NA MARAHAY SI JEHOVA,” DANGAN SIMBAGON AN MINASUNOD NA MGA HAPOT:

• 

  Ano an puwede mong gibuhon para magin handa na idusay an saimong sadiri asin magpabawtismo?

• 

  Paano ka matatabangan kan mga tugang sa kongregasyon na maglingkod ki Jehova?

• 

  Paano napapakusog kan ministeryo an relasyon mo ki Jehova?

• 

  Anong mga paagi nin paglilingkod an bukas sa saimo?

• Ano an gustong-gusto mo manungod ki Jehova?