KAYAMANAN NA YAON SA TATARAMON NIN DIYOS | LEVITICO 4-5
Itao ki Jehova an Saindong Pinakamarahay
Sa Israel, an pagigin pobre bakong dahilan para an saro dai makipagkatuninungan ki Jehova. Dawa an pinakapobreng mga Israelita puwedeng makapagtao ki Jehova nin inuuyunan na dulot, basta iyan an saindang pinakamarahay. Puwede sindang magdulot nin harina, pero linalauman man giraray ni Jehova na dapat ‘pino’ iyan, idtong klase nin harina na ginagamit para sa importanteng mga bisita. (Ge 18:6) Sa ngunyan, inaako ni Jehova an satong pinakamarahay na “atang nin pag-umaw,” gurano man kita nalilimitaran sa satong maitatao huli sa personal na mga kamugtakan niyato.—Heb 13:15.
Paano ini puwedeng makapakusog saimo kun dai mo na nagigibo an gabos na nagigibo mo kaidto, tibaad huli sa pagluya nin salud o kusog?