Ingatan an Saindong Pag-aguman

Seryosong marhay para ki Jehova an sumpaan sa kasal. Sinabi niya na an agom na lalaki saka babayi dapat na magdanay sa lambang saro. (Mat 19:5, 6) Igwa nin dakul na maugmang pag-aguman sa banwaan nin Diyos. Alagad, mayo nin perpektong pag-aguman. Nagkakaigwa nin mga problema. Dai ta dapat pag-arugon an kaisipan kan kadaklan na an pagsuwayan asin diborsiyo iyo an solusyon pag nagkakaproblema an mag-agom. Paano iingatan kan mga mag-agom na Kristiyano an saindang pag-aguman?

Pag-isipan an limang importanteng lakdang.

1. Ingatan an saimong puso paagi sa paglikay sa mga bagay na arog kan pakikipag-flirt asin imoral na libangan, na makakapaluya sana sa pag-aguman.—Mat 5:28; 2Pe 2:14.

2. Pakusugon an relasyon mo sa Diyos asin an pagmawot mo na mapaugma siya sa saindong pag-aguman.—Sal 97:10.

3. Padagos na isulot an bagong personalidad, asin gumibo nin simpleng mga bagay na nagpapahiling nin kabuutan na mas makakapagian sa saimong agom.—Col 3:8-10, 12-14.

4. Pagdanayon an may paggalang asin makahulugan na komunikasyon.—Col 4:6.

5. Itao an maninigo para sa saimong agom na may kapadangatan asin pagkamuot.—1Co 7:3, 4; 10:24.

Pag iginagalang kan mga Kristiyano an pag-aguman, tinatawan ninda nin onra an Kag-establisar kan pag-aguman, si Jehova.

HILINGON AN VIDEONG DAPAT NA “MAGDALAGAN KITA NA MAY PAKATAGAL”—SUNUDON AN MGA REGULASYON KAN KUMPETISYON, DANGAN SIMBAGON AN MINASUNOD NA MGA HAPOT:

• 

  Dawa ngani magayon man an kapinunan kan pag-aguman, anong mga problema an puwedeng maglataw?

• 

  Paano matatabangan kan mga prinsipyo sa Bibliya an mga nakakamating mayo na nin pagkamuot an saindang pag-aguman?

• 

  Anong mga susundon an itinao ni Jehova sa pag-aguman?

• Tanganing magin mapanggana an pag-aguman, ano an dapat na gibuhon kan mag-agom?