Hain ka na sa dalan pasiring sa bawtismo?
PAMUMUHAY BILANG KRISTIYANO
Pilion na Maglingkod ki Jehova
Kun saro kang hoben na dai pa bawtisadong parahayag o saro kang tinutukduan sa Bibliya, pasuhan mo daw na magpabawtismo? Taano ta gusto mong magpabawtismo? An pagdusay asin bawtismo an kapinunan nin pagkaigwa nin espesyal na relasyon ki Jehova. (Sal 91:1) Puwede man iyan makapagligtas sa sato. (1Pe 3:21) Paano mo maaabot an mga lakdang na ini?
Patunayan mo sa sadiri mo na iyo ini an katotoohan. Pag may mga hapot ka, mag-research. (Ro 12:2) Aramon kun may mga kaipuhan kang baguhon, asin gibuhon iyan tanganing mapaugma si Jehova. (Tal 27:11; Efe 4:23, 24) Pirming mamibi sa saiya para sa tabang. Makakasigurado ka na papakusugon asin tatabangan ka ni Jehova paagi kan saiyang makapangyarihan na banal na espiritu. (1Pe 5:10, 11) Sulit na marhay an paghihinguwa mo. An paglilingkod ki Jehova an pinakamarahay na magigibo mo sa saimong buhay!—Sal 16:11.
HILINGON AN VIDEO NA AN DALAN PASIRING SA BAWTISMO, DANGAN SIMBAGON AN MINASUNOD NA MGA HAPOT:
Anong mga ulang an napangganahan nin nagkapira tanganing mabawtismuhan?
Paano ka magkakaigwa kan pagtubod na kaipuhan tanganing maidusay mo an saimong sadiri ki Jehova?
Ano an nakapahiro sa nagkapira na gibuhon an mga lakdang na kaipuhan para mabawtismuhan?
Anong mga bendisyon an nakakamtan kan mga nagpili na paglingkudan si Jehova?
Ano an kahulugan kan pagdusay asin bawtismo?