Ipahiling an Pagkamuot sa Laog kan Pamilya

An pagkamuot garo pulot na pigdudurukot an gabos sa laog kan pamilya. Kun mayo nin pagkamuot, masasakitan an pamilya na magkasararo asin magtinarabangan. Paano maipapahiling kan agom na lalaki, agom na babayi, asin mga magurang an pagkamuot sa laog kan pamilya?

An sarong mamumuton na agom na lalaki kinokonsiderar an pangangaipo, opinyon, asin namamatian kan saiyang agom. (Efe 5:28, 29) Inaasikaso niya an materyal asin espirituwal na pangangaipo kan saiyang pamilya, kaiba na an pagkaigwa nin regular na Pampamilyang Pagsamba. (1Ti 5:8) An sarong mamumuton na agom na babayi nagpapasakop asin may “hararom na paggalang” sa saiyang agom. (Efe 5:22, 33; 1Ped 3:1-6) Dapat na parehong handa an mag-agom na magpatawad nin lubos. (Efe 4:32) An mamumuton na mga magurang nagpapahiling nin personal na interes sa kada saro sa saindang mga aki asin tinutukduan sinda na mamutan si Jehova. (De 6:6, 7; Efe 6:4) Ano kayang mga kadipisilan an inaagihan kan mga aki ninda sa eskuwelahan? Paano nakakayanan kan mga aki an panggigipit kan mga kairiba ninda? Pag an pagkamuot nangingibabaw sa pamilya, mamamati kan gabos na talagang ligtas sinda asin tiwasay.

HILINGON AN VIDEO NA MAGPAHILING NIN NAGDADANAY NA PAGKAMUOT SA SAIMONG PAMILYA, DANGAN SIMBAGON AN MINASUNOD NA MGA HAPOT:

• 

  Paano inaasikaso asin pinapadangat kan sarong mamumuton na agom na lalaki an saiyang agom?

• 

  Paano ipinapahiling nin sarong mamumuton na agom na babayi an hararom na paggalang sa saiyang agom?

• 

  Paano itinatadom kan mamumuton na mga magurang sa puso kan saindang mga aki an Tataramon nin Diyos?