Padagos na Sanayon an Kakayahan Mong Mag-isip

Para pirming magin mahusay, kaipuhan na padagos na sanayon nin sarong atleta an saiyang mga kalamnan. Sa kaagid na paagi, kaipuhan tang padagos na maghinguwa para masanay asin mapagdanay an satong kakayahan na mag-isip. (Heb 5:14) Puwedeng an tendensiya ta iyo na arugon na sana an mga desisyon kan iba, pero dapat tang gamiton an satong kakayahan na mag-isip asin magdesisyon para sa satong sadiri. Taano? An kada saro kaya sa sato maninimbag sa sadiri tang mga desisyon.—Ro 14:12.

Dai ta pag-isipon na miling haloy na kitang bawtisado, marahay nang mga desisyon an magigibo ta. Para makagibo nin madunong na mga desisyon, kaipuhan kitang lubos na magsarig ki Jehova, sa saiyang Tataramon, asin sa saiyang organisasyon.—Jos 1:7, 8; Tal 3:5, 6; Mat 24:45.

HILINGON AN VIDEO DRAMATIZATION NA “PAPAGDANAYON AN MALINIG NA KONSIYENSIYA,” DANGAN SIMBAGON AN MINASUNOD NA MGA HAPOT:

• 

  Ano an kaipuhan pagdesisyunan ni Emma?

• 

  Taano ta dapat tang iwasan na magtao nin personal na mga opinyon sa mga pagdedesisyunan na nakadepende sa konsiyensiya?

• 

  Anong madunong na sadol an itinao kan sarong mag-agom ki Emma?

• 

  Sain nakakua si Emma nin nakakatabang na impormasyon may koneksiyon sa sitwasyon niya?