Mga Leksiyon na Manunudan sa Buhay ni Samuel

Nagdanay si Samuel na maimbod ki Jehova sa bilog niyang buhay. Bilang aki, dai siya nagin maraot arog kan mga aki ni Eli na si Hofni asin Finehas. (1Sa 2:22-26) Padagos na nagdakula si Samuel, asin nagdanay si Jehova na nasa kaibanan niya. (1Sa 3:19) Kan siya may edad na, padagos siyang naglakaw sa dalan ni Jehova, maski ngani an saiyang mga aki dai.—1Sa 8:1-5.

Ano an manunudan ta sa halimbawa ni Samuel? Kun saro kang hoben, magtiwala na nasasabutan ni Jehova an mga kadipisilan na napapaatubang saimo saka an namamatian mo. Matatabangan ka niyang magin makusog an buot. (Isa 41:10, 13) Kun saro kang magurang na may aking buminaya ki Jehova, mararanga ka sa nagin kamugtakan ni Samuel. Aram niya na dai niya mapipirit an saiyang adultong mga aki na sunudon an mga pamantayan ni Jehova. Ipinaubaya niya ki Jehova an mga bagay-bagay, asin pinagdanay niya an saiyang integridad saka pinaugma an saiyang Ama sa langit, si Jehova. An saimong marahay na halimbawa puwedeng magpahiro sa saimong aki na bumalik ki Jehova.

HILINGON AN VIDEO NA MAKANUOD SA SAINDA—SAMUEL, DANGAN SIMBAGON AN MINASUNOD NA MGA HAPOT:

• 

  Paano si Samuel nagpahiling nin kusog nin buot kan siya aki pa?

• 

  Paano si Danny nagpahiling nin kusog nin buot?

• 

  Paano si Samuel nagpahiling nin marahay na halimbawa kan siya may edad na?

• 

  Paano nagpahiling nin marahay na halimbawa an mga magurang ni Danny?