PAMUMUHAY BILANG KRISTIYANO
Mga Magurang—Tukduan an Saindong mga Aki Kun Paano Mapapaugma an Diyos
Para ki Jehova, mahalagang marhay an mga aki. Tinatawan niya nin atensiyon an saindang pag-uswag sa espirituwal asin an saindang pakatagal. (1Sa 2:26; Lu 2:52) Dawa kun akion pa sinda, puwedeng mapaugma kan mga aki an puso ni Jehova paagi sa saindang marahay na gibo. (Tal 27:11) Paagi sa saiyang organisasyon, nagtao si Jehova nin marahayon na mga pantabang tanganing tabangan an mga magurang na tukduan an saindang mga aki na mamutan asin sunudon si Jehova.
HILINGON AN VIDEO NA MGA AKI—AN SAINDONG PAKATAGAL NAKAKAPAUGMA KI JEHOVA! ASIN SIMBAGON AN MINASUNOD NA MGA HAPOT:
Anong tabang asin paggiya an itinao ni Jehova sa mga aki sa paglihis nin mga taon?
Anong mga pantabang an available ngunyan na makakatabang sa mga magurang?
Kun saro kang hoben, arin sa mga itinao ni Jehova an nakatabang sa saimo, asin taano?