Dinadangog Daw Nin Diyos an Saimong mga Pamibi?

ANO AN SINASABI KAN BIBLIYA?

• Nagdadangog an Diyos. Sinisigurado sa sato kan Bibliya na “harani si Jehova sa gabos na nag-aapod sa saiya, sa gabos na sinserong nag-aapod sa saiya. . . . Dinadangog niya an paghagad ninda nin tabang.”—Salmo 145:18, 19.

• Gusto nin Diyos na mamibi ka sa saiya. Inaagda kita kan Bibliya: “Sa gabos na bagay paagi sa pamibi asin pagngayo-ngayo na may kaibang pasasalamat, ipaaram nindo sa Diyos an saindong mga kahagadan.”—Filipos 4:6.

• An Diyos talagang nagmamakulog sa saimo. Aram nin Diyos an gabos tang problema asin ikinakahadit, saka gusto niyang tumabang. Sinasabi kan Bibliya: ‘Ipasa nindo sa saiya an gabos nindong kahaditan huli ta nagmamakulog siya sa saindo.’—1 Pedro 5:7.