Sain Ka Makakahanap nin Masasarigan na Giya Ngunyan?
Sa kinaban na ini na marikas na nagbabago, paano ka makakasigurado na an mga desisyon mo matao nin marahay na mga resulta? Paano ka makakasigurado na an ibinibilang na tama ngunyan dai ibibilang na sala sa maabot na panahon?
Makakatabang sa saimo an Bibliya na makagibo nin mga desisyon na dai mo nuarin man pagbabasulan. Paano? An Bibliya hali sa satong Kaglalang, asin aram niya kun ano an makakatabang sa sato na magin tunay na maugma asin tiwasay.
“Sinabi niya sa saimo . . . kun ano an marahay.”—Mikas 6:8.
Makakapagtiwala kita sa praktikal na kadunungan na yaon sa Bibliya. “Pirming masasarigan an mga iyan, ngunyan asin sagkod pa man.”—Salmo 111:8.
Gusto mo daw na siyasaton mo mismo kun paano ka matatabangan kan Bibliya sa kinaban na ini na padagos na nagbabago?