Pagtagal sa Inhustisya

Basahon an Genesis 37:​23-28; 39:​17-23 para makanuod sa nagin eksperyensiya ni Jose manungod sa kun paano niya natagalan an inhustisya.

Analisaron an konteksto. Taano ta dai nagin makatanusan an pagtrato ki Jose? (Gen. 37:​3-11; 39:​1, 6-10) Gurano kahaloy na tinagalan ni Jose an inhustisya? (Gen. 37:2; 41:46) Kan panahon na iyan, ano an ginibo ni Jehova para ki Jose, pero ano an dai Niya ginibo?​—Gen. 39:​2, 21; w23.01 17 ¶13.

Magsiyasat pa. Mayong sinasabi an Bibliya na idinepensa ni Jose an saiyang sadiri sa akusasyon kan agom ni Potifar. Paano makakatabang sa sato an minasunod na mga teksto para magkaigwa nin ideya kun taano ta pinili ni Jose na magsilensiyo o kun taano ta dai ta dapat asahan na ihahayag kan Bibliya an gabos na detalye? (Tal. 20:2; Juan 21:25; Gibo 21:37) Anong mga kuwalidad an posibleng nakatabang ki Jose na makayanan an inhustisya?​—Mik. 7:7; Luc. 14:11; Sant. 1:​2, 3.

Pag-isipan an makukuang leksiyon. Haputon an sadiri:

• ‘Anong bakong makatanusan na pagtrato an puwede kong asahan bilang sarong disipulo ni Jesus?’ (Luc. 21:​12, 16, 17; Heb. 10:​33, 34)

• ‘Paano ako makakapag-andam para makayanan an inhustisya?’ (Sal. 62:​7, 8; 105:​17-19; w19.07 2-7)