“Nanudan [ni Jesus] an Pagsunod”

Kaidto pa masinunod na si Jesus ki Jehova. (Juan 8:29) Kaya taano ta sinasabi kan Bibliya: “Nanudan niya an pagsunod huli sa mga bagay na saiyang tinios”?—Heb. 5:8.

Kan yaon digdi sa daga si Jesus, naeksperyensiyahan niya an mga bagay na dai niya naeksperyensiyahan sa langit. Pinadakula siya nin maimbod pero bakong perpektong mga magurang. (Luc. 2:51) Nagsakit siya sa kamot kan maraot na mga lider nin relihiyon asin kan bakong makatanusan na mga tagapamahala. (Mat. 26:59; Mar. 15:15) Saro pa, “nagpakumbaba siya asin nagin masinunod sagkod sa kagadanan,” sarong makulugon na kagadanan.—Fil. 2:8.

Nakanuod si Jesus sa mga eksperyensiyang ini na magin masinunod sa paaging nungka niyang nanudan sa langit. Huli kaiyan, nagin siyang an perpektong Hadi asin Halangkaw na Saserdote na nakakasabot sa sato. (Heb. 4:15; 5:9) Urog na nagin mahalaga si Jesus ki Jehova pagkatapos niyang makanuod na magin masinunod sa mga bagay na saiyang tinios. Magigin urog man kitang mahalaga ki Jehova asin kapaki-pakinabang sa ano man na asignasyon na tibaad itao niya sa sato kun magdadanay kitang masinunod dawa sa masakit na mga kamugtakan.—Sant. 1:4.