BINAGO KAN BIBLIYA AN SAINDANG BUHAY

Nakua Ninda an “Perlas na May Dakulang Halaga”

Itinukdo ni Jesus na sosolusyunan kan Kahadian nin Diyos an gabos na problema nin katawuhan. (Mateo 6:10) Sa Mateo 13:44-46, ginamit niya an duwang minasunod na ilustrasyon para ipahiling an halaga kan katotoohan manungod sa Kahadian nin Diyos:

Collage: An duwang lalaki sa ilustrasyon ni Jesus. 1. Sarong lalaki na nagkakalot sa uma asin nabigla siya sa nakua niya. 2. Saro pang lalaki na may kapot na perlas asin nakangirit.

Sarong lalaki na nagtatrabaho sa uma, asin dai niya inaasahan nakakua siya nin nakatagong kayamanan.
Sarong nagbibiyaheng negosyante an naghahanap nin marahay na klaseng mga perlas asin nakakua siya nin sarong perlas na may dakulang halaga.

Maugmang ipinabakal kan duwang lalaki an gabos na pagsadiri ninda para makua an kayamanan na nahanap ninda. An mga lalaking ini nagrerepresentar sa mga tawong pinapahalagahan na marhay an Kahadian kaya andam sindang gumibo nin dakulang mga pagsasakripisyo tanganing makamtan an mga bendisyon na dara kaiyan. (Lucas 18:29, 30) Sa videong ini, hilingon an istorya kan duwang indibidwal na kapareho kan mga lalaking sinambit sa ilustrasyon ni Jesus.