Giyera sa Ukraine, Paduwang Taon Na—Anong Paglaom an Itinatao kan Bibliya?

Sa Biyernes, Pebrero 24, 2023, masarong taon na an sarong teribleng pangyayari—an giyera sa Ukraine. Sigun sa nagkapirang report, mga 300,000 na suldados na Ukrainian saka Russian an nagkagaradan o nagkarulugadan asin mga 30,000 na sibilyan an pigtutubudan na nagadan sa giyera. Pero, tibaad mas halangkaw pa diyan an total.

Nakakamundo ta garo wara pang indikasyon na madali nang matapos an giyerang ini.

• “Haros sangtaon na puon kan laugon kan hukbo nin Russia an Ukraine, pero mayo pa lamang nin indikasyon na madali nang matapos an giyera. Kun hihilingon, garo mayo man nin malinaw na manggagana sa duwa, saka garo haros imposible na makahanap nin solusyon na mapagkakasunduan ninda.”—NPR (National Public Radio), Pebrero 19, 2023.

Natural sana na dakul an napupurisaw dahil sa kulog asin pagsakit na dara kaini asin kan iba pang giyera sa inosenteng mga tawo sa bilog na kinaban. Anong paglaom an itinatao kan Bibliya? Matatapos pa daw an mga giyera?

Sarong giyera na matapos sa gabos na giyera

An Bibliya may sinasambit na sarong giyera na maligtas sa katawuhan, bako na malaglag kaiyan. An giyerang iyan inaapod na Armagedon, asin ilinaladawan iyan bilang an “giyera kan dakulang aldaw kan Diyos na Makakamhan sa Gabos.” (Kapahayagan 16:14, 16) Paagi kan giyerang iyan, tatapuson nin Diyos an pamamahala nin tawo, na nagkawsa nin kadakul na mapanglaglag na giyera. Para maaraman kun paano an Armagedon matao nin nagdadanay na katuninungan, basahon an minasunod na mga artikulo:

• “Ano an Ralaban nin Armagedon?”

• “An Armagedon Sarong Maugmang Bareta!”