An Diyos Daw an Dapat Basulon sa Pagsakit Niyato?

An simbag kan Bibliya

Bako nanggad! Malinaw na ipinapahiling sa Bibliya na bakong katuyuhan nin Diyos na magsakit an mga tawo. Alagad, nagrebelde sa pamamahala nin Diyos an inot na mag-agom asin pinili na magbugtak nin sadiri nindang mga pamantayan sa kun ano an tama asin sala. Tinalikdan ninda an Diyos asin sinapo an mga konsekwensiya kaiyan.

Naeeksperyensiyahan niyato ngunyan an epekto kan saindang salang desisyon. Pero bako nanggad hali sa Diyos an pagsakit nin tawo.

Sinasabi kan Bibliya: “Pag an siisay man nasa irarom nin pagbalo, dai niya pagsabihon: ‘Pigbabalo ako nin Diyos.’ Huli ta an Diyos dai puwedeng baluon na may maraot na intensiyon, asin siya mismo, dai niya binabalo na may maraot na intensiyon an siisay man.” (Santiago 1:13) Puwedeng magsakit an maski siisay—maski pa an mga tawo na may pag-uyon nin Diyos.