An Diyablo Daw an Dahilan kan Gabos na Pagsakit?

An simbag kan Bibliya

Ihinahayag kan Bibliya na totoong persona si Satanas na Diyablo asin arog nin sarong makapangyarihan na lider nin sindikato, sinisigurado niya na mangyari an saiyang katuyuhan paagi sa “mapandayang mga tanda” asin “pandadaya.” Sa katunayan, siya “padagos na nagsasagin-sagin na anghel nin liwanag,” an sabi kan Bibliya. (2 Tesalonica 2:9, 10; 2 Corinto 11:14) Mahihiling an pag-eksister kan Diyablo sa mga danyos na ginigibo niya.

Alagad, bako an Diyablo an responsable sa gabos na pagsakit. Taano man? Ginibo nin Diyos an mga tawo na may kakayahan na pumili kun baga magibo nin tama o magibo nin sala. (Josue 24:15) Pag sala an satong mga desisyon, aanihon ta an maraot na mga resulta kaiyan.—Galacia 6:7, 8.