Nota sa Ibaba

b Tanganing maitao an eksaktong katimbang kan kasalan ni Adan, kinaipuhan ni Jesus na magadan, bako bilang perpektong sadit na aki, kundi bilang perpektong adultong tawo. Girumduma na an kasalan ni Adan tuyo, asin ginibo niya iyan dawa lubos niyang naaaraman na sala talaga iyan asin igwa iyan nin magabat na mga konsekwensiya. Kaya tanganing magin “an huring Adan” asin matahuban an kasalan na iyan, kaipuhan ni Jesus na gumibo nin desisyon na magpapahiling na maygurang na siya asin lubos na naaaraman an pagpili na gigibuhon niya para mapagdanay an saiyang integridad ki Jehova. (1 Corinto 15:45, 47) Sa siring, an pagdanay na maimbod ni Jesus sa bilog niyang buhay—pati an saiyang kagadanan bilang atang—nagserbing “sarong matanos na gibo.”—Roma 5:18, 19.