Nota sa Ibaba

a Sinambit sa mga susundon nin mga rabbi na an siisay man na maparani sa may leproso, dapat na sagkod lang sa apat na maniko (mga 1.8 metros) an distansiya niya hali sa may leproso. Pero kun medyo makusog an duros, an may leproso dapat na magdanay na kisiyera 100 na maniko (mga 45 metros) an rayo. Sinambit sa Midrash Rabbah an manungod sa sarong rabbi na nagtatago sa mga may leproso asin an manungod man sa saro na ginagapo an mga may leproso tanganing dai sinda makarani. Sa siring, aram nin mga may leproso kun gurano kakulog sa buot pag an saro isinisikwal asin kun ano an namamatian nin sarong hinahamak saka hinahabuan.