Nota sa Ibaba

a Kinaipuhan kan nagkapirang Kristiano na nagtatrabaho sa mga ospital na horophoropon an bagay na ini dapit sa autoridad. An sarong doktor puedeng igwa nin autoridad na magboot kun anong bolong an itatao o paanong pagbolong an gigibohon sa sarong pasyente. Dawa kun bakong kontra an pasyente, taano ta ipagboboot nin sarong Kristianong doktor an pag-ineksion nin dugo o pag-aborsion, mantang aram nia an sinasabi kan Biblia dapit sa siring na mga bagay? Sa kabaliktaran, an sarong nars na nagtatrabaho sa ospital tibaad mayo kan siring na autoridad. Mantang ginigibo nia an saiyang rutinang mga serbisyo, tibaad pagbotan sia nin sarong doktor na gumibo nin blood test para sa sarong katuyohan o asikasohon an sarong pasyente na nagpaaborsion. Kaoyon kan halimbawa na nasusurat sa 2 Hade 5:17-19, puedeng ikonklusyon nia na mantang bako sia an may autoridad na nagboboot nin pag-ineksion nin dugo o naggigibo nin pag-aborsion, puede siang gumibo nin mga serbisyong pantawo para sa pasyente. Siempre, kaipuhan pa man giraray niang konsideraron an saiyang konsensia, tanganing ‘gumawe sa atubangan nin Dios na may malinig na konsensia.’—Gibo 23:1.