Nota sa Ibaba

a Sa pagsuportar sa Kahadean nin Dios, an Mga Saksi ni Jehova dai nakikiayon sa politika o nagsusutsut nin pagrebelde tumang sa sekular na mga gobyerno, dawa sa mga nasyon na prohibido o pinaglalamag an mga Saksi. (Tito 3:1) Imbes, nagmamaigot sindang tumao nin positibo, espirituwal, daing labot sa politikang tabang sa paagi na arog kan ginibo ni Jesus asin kan saiyang enot na siglong mga disipulo. Nagmamaigot an mga Saksi na tabangan an may matanos na inklinasyon na mga tawo sa saindang manlaenlaen na komunidad na akoon an kapakipakinabang na mga prinsipyo sa buhay na yaon sa Biblia, siring kan pagkamoot sa pamilya, pagkaonesto, kalinigan sa moral, asin tamang ugale sa trabaho. Sa pangenot, naghihingoa sindang tokdoan sinda kun paano susunodon an mga prinsipyo sa Biblia asin umasa sa Kahadean nin Dios bilang tunay na paglaom nin katawohan.