Nota sa Ibaba

a Bago an rebolusyon kan Oktubre 1917, ginamit kan Rusya an mas haloy nang kalendaryong Julian, alagad an kadaklan na nasyon sinalidahan na iyan kan kalendaryong Gregoriano. Kan 1917 an kalendaryong Julian huri nin 13 aldaw sa katimbang kaiyan na kalendaryong Gregoriano. Pagkatapos kan rebolusyon, an kalendaryong Gregoriano na an ginamit kan mga Sobyet, kaya an Rusya nakasabay na sa ibang parte kan kinaban. Minsan siring, pinagdanay kan Iglesia Ortodokso an paggamit kan kalendaryong Julian para sa mga selebrasyon kaiyan, na inaapod iyan na kalendaryong “Luma an Estilo.” Tibaad madangog nindo na an Pasko sa Rusya isineselebrar sa Enero 7. Minsan siring, girumdomon na an Enero 7 sa kalendaryong Gregoriano iyo an Disyembre 25 sa kalendaryong Julian. Sa siring, arog kaini an pag-organisar nin dakol na Ruso sa saindang Pasko asin Bagong Taon: Disyembre 25, Paskong Pansolnopan; Enero 1, sekular na Bagong Taon; Enero 7, Paskong Ortodokso; Enero 14, Bagong Taon na Luma an Estilo.