Nota sa Ibaba

c Mababasa sa estorya an duwang halimbawa nin kawaran nin paggalang. An sarong bagay iyo na espesipikong sinabi kan Ley kun arin na mga parte nin dolot na atang an dapat mapaduman sa mga saserdote tanganing kakanon. (Deuteronomio 18:3) Alagad sa tabernakulo, laen nanggad an ginibo kan maraot na mga saserdote. Sinusugo ninda an mga katabang ninda na tusokon nin dakulang tinidor an ano man na magustohan nindang marahay na parte kan karne na pinapakalakagaan sa kawa! An saro pa, kun an mga tawo nagdadara nin mga atang tanganing totongon sa altar, sinusugo kan maraot na mga saserdote an sarong katabang ninda tanganing takoton an madolot, na pirit na hinahagad an hilaw pang karne dawa ngani dai pa ikinadolot ki Jehova an taba kan atang.—Levitico 3:3-5; 1 Samuel 2:13-17.