Nota sa Ibaba

a May nadangog ka na daw na haloy nang lingkod ni Jehova na nagsabi, ‘Dai ko lamang inaasahan na aabuton pa ako nin arog kaining edad sa sistemang ini nin mga bagay’? Gabos kita gustong-gusto nang mahiling na ipaabot na ni Jehova an katapusan, lalong-lalo na sa masakit na mga panahon na ini ngunyan. Dawa arog kaiyan, dapat kitang makanuod na magin mapasensiya. Sa artikulong ini, sisiyasaton ta an mga prinsipyo sa Bibliya na makakatabang sato na makanuod na mapasensiyang maghalat. Sisiyasaton ta man an duwang sitwasyon na diyan dapat kitang mapasensiyang maghalat ki Jehova. Panghuri, pag-uulayan ta an mga bendisyon na nakatagama para sa mga andam na maghalat.