Kanta 6

Ipahayag an Daing Katapusan na Maogmang Bareta

(Kapahayagan 14:6-8)

1. Anghel nin Dios sa langit naglalayog na,

Maogma an bareta na dinadara.

Nagsasabi: ‘Matakot, pamurawaya.

Iyo, sumamba, maglingkod ki Jehova.

Ta an oras kan paghokom nia nag-abot;

Mapapara na an gabos na maraot.’

Kaya mapusong ibareta sa gabos,

Dai matakot an mga lingkod nin Dios.

2. Ikaduwang anghel ano an sinabi

Na ipinapahayag kan mga Saksi?

Dakulang Babilonya bagsak na daa,

Sia madali nang laglagon ni Jehova.

Boot nin Dios na ikabalangibog ta,

Pamamalos, pagbindikar kan ngaran nia.

Mahiwas pa an dapat na hulitan ta;

Anghel nin Dios an nangengenot sa tuya.

3.Aki nin tawo mga anghel kaiba,

Pinonan na an paghokom na gibo nia.

Mga karnero, maongis sa maraot.

Sa Dios sana kumuyog asin matakot.

An pagboot satuya kan Kagurangnan,

‘Ihulit bareta nin katotoohan.’

Bilang ministro nandadagka man kita,

“Sumamba, maglingkod sa Dios na Jehova.”

Kanta 65

Pagtiripon na May Pagkasararo

(Salmo 133)

1. Anong gayon pagmasdan

Mga magturugang

Na may pagkasararo,

Pagkaminootan!

An bendisyon ni Jehova

Ambon an kaagid;

Hale sa Bukid nin Hermon

An Sion nagkatubig.

2. Magpasaradolsadol

Sa pagtitiripon;

Satuyang ipahayag,

Odok tang paglaom.

Kaya kita maghingoa

Na makapag-andam

’Nganing an katotoohan

Ikahiras ta man.

3. Maimbod si Jehova;

Pati Tataramon.

Adalan tang iriba,

Paglaom marigon.

Dai niato pabayaan

An pakipagtipon.

Aram tang an aldaw nin Dios

Lalong haranihon.