Ano an pinakamagayon na regalo na maitatao nindo sa saindong mga aki? Dakul sindang kaipuhan. Kaiba diyan an saindong pagkamuot, paggiya, asin proteksiyon. Pero, an pinakamahalagang maireregalo nindo iyo an kaaraman manungod ki Jehova asin sa katotoohan na yaon sa saiyang Tataramon, an Bibliya. (Juan 17:3) An kaaraman na iyan makakatabang sa saindong mga aki na mamutan si Jehova asin paglingkudan siya nin bilog na puso, dawa sinda aki pa.—Mateo 21:16.

Narisa nin dakul na magurang na mas nagugustuhan nin mga aki an halipot na mga leksiyon asin activity. Kaya, nauugma kaming ipublikar ining An Sakuyang mga Leksiyon sa Bibliya. An kada leksiyon dinisenyo tanganing magtukdo sa simpleng paagi. An mga ritrato saka an mga nakasurat diyan ginibo espesyalmente para sa mga aki na edad tulo pababa. May mga activity man ining kaiba. An brosyur na An Sakuyang mga Leksiyon sa Bibliya bakong kawatan. Dinisenyo ini tanganing basahon nindo kaiba kan saindong mga aki, sa siring napapauswag an saindong komunikasyon.

Sigurado kaming makakatabang an publikasyon na ini mantang itinutukdo nindo sa saindong mga aki an katotoohan sa Bibliya ‘puon sa pagkaaki.’—2 Timoteo 3:14, 15.

An saindong mga tugang,

Namamahalang Grupo kan Mga Saksi ni Jehova

Si’say naggibo kan dagat?

Si’say naggibo kan daga?

Si’say naglalang saimo saka sakuya?

Si’say naggibo kan makulor na alibangbang?

Gabos na bagay an Diyos na Jehova an naglalang.

ACTIVITY

Basahon sa saimong aki:

Kapahayagan 4:11

Ipatukdo sa saimong aki:

Bituon Panganuron Aldaw

Bangka Sira Harong

Dagat Alibangbang (Butterfly)

Ihapot sa saimong aki:

Ano an pangaran nin Diyos?

Sain nakaistar si Jehova?

Ano an mga ginibo niya?

Hilinga an mga hayop sa arka nagbabaraba.

Arin an nagbabatok, arin an nag-uunga?

Gabos na hayop, dakula saka saday, sa arka ni Noe ligtas na nakasakay.

ACTIVITY

Basahon sa saimong aki:

Genesis 7:7-10; 8:15-17

Ipatukdo sa saimong aki:

Oso Ayam Elepante

Giraffe Leon Karnero

Urig Ukay o Kabalang

Zebra Bulalangaw (Rainbow)

Ipaarog sa saimong aki an tanog kan minasunod na mga hayop:

Ayam Leon Baka

Urig Gamgam o Bayong

Naisihan ni David na may hilang an amigo niya.

Kaya sabi niya: “Ah, aram ko na.

Magibo ako nin surat ’nganing maugma an sakong kakawat, tapos ako an madara kaiyan saiya!”

Magin mabuot sa iba, ’nganing pareho kamo maugma!

ACTIVITY

Basahon sa saimong aki:

1 Pedro 3:8

Ipatukdo sa saimong aki:

Harong Lamesa David

Aldaw Gamgam Kahoy

Ihapot sa saimong aki:

May kamidbid kang may hilang?

Pa’no ta daw siya mapapaugma?

Makusog an uran,

habong magpundo.

“Dai ako makaluwas,”

an sabi ni Tomoko.

Pero, hilinga!

May aldaw na.

Mayo nang uran.

Si Tomoko makakakawat na!

Nagdalagan siya paluwas. Si Tomoko ugmahon sa nahiling niyang magayon na tanawon.

Sabi niya, “Kaya palan nag-uran sa luwas ta gusto nin Diyos na magburak an masitas!”

ACTIVITY

Basahon sa saimong aki:

Guibo 14:17

Ipatukdo sa saimong aki:

Bintana Gamgam Tomoko

Kahoy Burak

Ipahanap sa saimong aki.

Bola Eroplano

Ihapot sa saimong aki:

Ta’no ta ginibo ni Jehova an uran?

Kun an amigo mo nagtao nin regalo o may maray na ginibo saimo, magngirit ka na talagang maugma—dai masupog, utruhon mo pa!

Pero sain ka man ano man an saimong ginigibo, dai paglingawan na sabihon “Salamat saimo!”

ACTIVITY

Basahon sa saimong aki:

1 Tesalonica 5:18

Ipatukdo sa saimong aki:

Regalo Aking lalaki

Pinto Pagkakan

Ipahanap sa saimong aki.

Mansanas Telepono

Ihapot sa saimong aki:

Ta’no ta marahay na magsabing “Salamat po”?

An kamot mo hilinga, saka an bitis pahirua.

An talinga itukdo pati an saimong dungo.

Hilinga an tabay mong duwa. Dahil diyan nakakadalagan ka saka nakakalukso pa, kaya sa pagkawat maugma!

Humampang sa salming, ano an saimong nahihiling?

Magayunon talaga gabos na ginibo ni Jehova!

ACTIVITY

Basahon sa saimong aki:

Salmo 139:14

Ipatukdo sa saimong aki an saiyang:

Kamot Bitis Dungo

Talinga Nguso

Ipahanap sa saimong aki.

Kasag Ikos

Ihapot sa saimong aki:

Si’say an naglalang saimo saka sakuya?