4. Ano an manunudan ta sa pagkasaysay manungod sa kontribusyon ki Jehova?

⁴ Ano an manunudan ta sa pagkasaysay na ini manungod sa kontribusyon ki Jehova? Paagi sa pagtagama nguna nin daga para sa espesyal na kontribusyon na ini bago su daga para sa mga tribo, ipinahiling ni Jehova na an daga na ini na para sa kontribusyon an dapat tawan nin priyoridad. (Ezek. 45:1) Siguradong dakul an nanudan kan mga nadistiyero sa kun ano an ininot sa pagtagamang ini nin daga. Kaipuhan nindang gibuhon na panginot sa saindang buhay an pagsamba ki Jehova. Sa ngunyan, panginot man sa sato an espirituwal na mga aktibidad, arog kan pag-adal sa Tataramon nin Diyos, pag-atender sa Kristiyanong mga pagtiripon, asin pakikikabtang sa paghuhulit. Pag inaarog ta si Jehova sa pagbugtak nin tamang mga priyoridad, napapagdanay tang panginot sa satong buhay an pagsamba sa saiya.

D. An “Banal na Kontribusyon”

Inaapod man ini na “banal na parte.” An itaas na porsiyon “para sa mga Levita.” “Banal iyan.” An tahaw na porsiyon iyo an “banal na kontribusyon para sa mga saserdote.” Diyan “itutugdok an saindang mga harong, asin magigin sarong sagradong lugar iyan para sa santuwaryo,” o templo.

EZEK. 45:1-5; 48:9-14