7. (a) Paano niato naaaraman na igwa nin dai naheheling, espiritung kabtang sa mga nangyayari sa mga tawo? (b) Siisay, sa orihinal, an hade sa amihanan asin hade sa timog, asin paano nagpoon an saindang pagriribal?

⁷ Enot na ilinadawan kan anghel kun paanong sia, na tinatabangan ni Miguel, nakikipaglaban tumang sa espiritung ‘mga prinsipe’ nin Persia asin Grecia. (Daniel 10:13, Daniel 10:20–11:1) An pakasirip na ini sa lugar nin mga espiritu nagpapatunay na an nasyonal na mga iriwal bako sanang mga tawo an kalabot. Igwa nin sa demonyong mga puwersa, o “mga prinsipe,” sa likod kan naheheling na mga tawong namomoon. Alagad poon pa kan suanoy na mga panahon, an banwaan nin Dios igwa na nin “prinsipe,” si Miguel, na magpapakosog sa sainda tumang sa mga kapangyarihan na ini nin demonyo. (Efeso 6:12) Dangan isinisentro kan anghel an satong atension sa pagriribal kan Siria asin Egipto. Sia minapoon: “Asin an hade sa timog magigin makosog, pati an saro sa saiyang mga prinsipe.” (Daniel 11:5a) An hade sa timog digdi iyo si Ptolemy I, hade sa Egipto, na buminihag sa Jerusalem kan 312 B.C.E. Dangan an anghel nagtaram manongod sa saro pang hade na “manggagana tumang sa saiya asin maghahade nanggad na may mahiwas na sakop na mas dakula kisa pagsakop kan sarong iyan.” (Daniel 11:5b) Ini an hade sa amihanan sa persona ni Seleucus I Nicator, na an kahadean, an Siria, nagin mas makosog kisa Egipto.

[Mapa/Mga ritrato sa pahina 10]

Siria

An Dakulang Dagat

Judea

Egipto

[Picture Credit Line sa pahina 8]