Interesante na ikinonektar kan Kapahayagan 11:1, 2 an mga pangyayaring ini sa panahon na susukulon, o sisiyasaton, an espirituwal na templo. Sinambit kan Malaquias kapitulo 3 an kaagid na pag-inspeksiyon sa espirituwal na templo, na sinundan nin panahon nin paglinig. (Mal. 3:1-4) Gurano kalawig an pag-inspeksiyon asin paglinig na ini? Nagpuon ini kan 1914 sagkod sa inot na kabtang kan 1919. Kaiba sa peryodong ini nin panahon an 1,260 aldaw (42 na bulan) asin an simbolikong tulo may kabangang aldaw na sinambit sa kapitulo 11 kan Kapahayagan.